. وبا با بارا با رجعلكم حسين المهووس, شلونكم اخباركم؟ ان شاء الله بخير المهم ندخل للزبدة مال الموضوع كبل, موضوع تحدي ال 29 يوم, يومية دااسهر للفجر حتى ادرس اللغة الألمانية الي دخلت بيها بهالتحدي ووصلت بيها مرحلة مقبولة تقريباً, بس مو كلش مقبولة :( , هدفي ببداية التحدي جان انو اوصل المستوى المتوسط باللغة الألمانية بس للأسف غيرته لان جان بدون تخطيط وجان بعيد المدى ويحتاجله أيام أكثر بالنسبة لجدول يومي والتزاماتي.
. التقدم الي حققته بهالأيام جان اكثر من الأيام الي كتبت عنها المنشور الأخير, تعلمت كثير اشياء مثل صيغة المفرد وصيغة الجمع تعلمت السؤال عن المكان وطريقة الجواب عند سؤالي عن المكان وتعلمت السؤال عن العمل وبعض اسماء الاعمال وتعلمت صيغة الجمع بشكم فعل والسؤال عن البلد وأفعال نظامية بصيغة المفرد, وصلت المستوى الابتدائي حالياً وهذا جان انجاز عظيم الي لان بآخر مرة حاولت اتعلم بيها اللغة الألمانية موصلت لهالمستوى مع انه بسيط, لكن بسبب روح التحدي والمنافسة الي اجتني بسبب تحدي ال29 يوم وصلت هيج شي بوقت قصير نسبياً. الادوات والمصادر ملتزم بيها نفسها وجانت جيدة جداً بالنسبة الي, بذلت جهد اكبر من ال 10 ايام السابقة وقضيت وقت اطول على التحدي وتركت "التسخيت", بالنسبة للرضا مو رضا تام بس احسن من الايام الفاتت,المشاعر صراحة حلوة خصوصاً مشاعر الانجاز والفرحة بالتقدم ولما تطبق الي تعلمته على ارض الواقع شعورك يكون رائع كلش, ومفاجأني شي بالتحدي, الهدف نفسه الي حددته باخر منشور بالمدونة الي هو اوصل مستوى ما قبل المتوسط.
. مراح اغير النشاط والخطة والطريقة و اي شي بالنسبة للتحدي راح اغير فقط الوقت والجهد المبذول واحاول استثمر وقت اكثر على التحدي, الثقة زادت عندي بعد الانجاز الاخير الي حققته ف يب من الممكن احقق هدفي بنهاية التحدي وراح احاول حتى احققه, بالنسبة للخطة ف راح يتغير الوقت والجهد منها فقط اما بقية الاشياء مراح تتغير ابداً, بالنسبة للي اريدة بال10 ايام الجاية هووصولي للهدف المحدد وبس, طبعا اني ممتن لتعرفي على اشخاص حلوين عن طريق التحدي وممتن للمشاعر الي اجتني خلال التحدي هذا جدا اشكركم من أعماق قلبي, شكراً لوقتكم, مع السلامة.
اسف لعدم دقة الصورة، هذا هو المكان الي وصلتله بتطبيق busuu حالياً، شكرا جميعاً وبالتوفيق.
تعليقات
إرسال تعليق